白禮頓正同三笘薰談判續新約，大幅加薪，不過「海鷗」唔會綁死球員，繼續接受各隊報價，轉會費要價為7,000萬鎊(約6.68億港元)。
《Football Insider》報道，三笘薰最初由川崎前鋒加盟白禮頓，轉會費只有250萬鎊(約2,380萬港元)，周薪1萬鎊(約9.55萬港元)，加盟後立即外借到比甲聖基萊斯聯畀佢適應，之後歸逐漸展現實力，為白禮頓上陣51場入13球。
白禮頓打算同「三球王」續約5年至2028年，周薪加到8萬鎊(約76.4萬港元)，並未加入解約金條款，想挖角嘅球隊可以慢慢傾，白禮頓打算標價7,000萬鎊，身價大升28倍，據報曼城、曼聯同車路士都密切注視。
